ვიტორ როკეს მამას მისი შვილის ინგლისში გადასვლა ურჩევნია
18 წლის ბრაზილიელი ტალანტი ვიტორ როკე "ბარსელონას" ერთ-ერთ მთავარ სამიზნედ რჩება, მაგრამ ახალგაზრდა სამხრეთ ამერიკელის "ბლაუგრანაში" გადმოსვლის შანსები მცირდება.
ცნობილია, რომ თავად ფეხბურთელს "ბარსელონაში" თამაშის სურს და ის მზადაა, კატალონიელებს დაელოდოს, სანამ "ბარსა" ფინანსურ პრობლემებს მოაგვარებს. თუმცა თუ Mundo Deportivo-ს დავუჯერებთ, ფეხბურთელის მამასა და მის აგენტებს ურჩევნიათ, ვიტორმა კარიერა ინგლისში განაგრძოს.
ამჟამად ვიტორ როკეს აგენტები სწორედ ინგლისში იმყოფებიან, სადაც "არსენალის" წარმომადგენლებს ხვდებიან.
კატალონიური მედიის ცნობით როკეს აგენტები ბარსელონაშიც მალე ჩავლენ, მაგრამ ერთ-ერთმა აგენტმა, ანდრე კურიმ უკვე იცის, რომ ფეხბურთელის მიმართ "ბარსას" ინტერესი ცოტათი განელებულია, რისი მიზეზიც ფინანსური ფეარ ფლეია.
ცნობილია, რომ ვიტორ როკეს ტრანსფერში წარუმატებლობის შემთხვევაში "ბარსელონა" გუნდში პიერ-ემერიკ ობამეიანგის დაბრუნების ვარიანტს განიხილავს.
ამ სიახლეზე კომენტარები გათიშულია.
კომენტარები [ 10 ]