პაბლო ტორეს ბარსელონადან წასვლა არ სურს
ახალგაზრდა ესპანელი ნახევარმცველის, პაბლო ტორეს "ბარსელონური" კარიერა ისეთი არაა, როგორსაც ველოდით - ფეხბურთელს მოედანზე ძალიან იშვიათად ვხედავთ, თუმცა ის კატალონიურ კლუბში მაინც ბედნიერია და წასვლას არ აპირებს.
19 წლის ფეხბურთელი "ბარსელონამ" დიდი მოლოდინებით დაიმატა, თუმცა აშკარაა, რომ ჩავი მასზე უახლოეს მომავალში იმედებს არ ამყარებს. ფეხბურთელი "ბარსა ატლეტიკშიც" იშვიათად თამაშობს და პირველ გუნდშიც.
ბოლო დროს გავრცელებული ცნობებით "ბარსელონას" სურს, რომ ტორე ზაფხულში იჯარით გაუშვას, რადგან ამ ასაკში სათამაშო დროის მიღება ძალიან მნიშვნელოვანია. თუმცა Sport გვატყობინებს, რომ თავად ფეხბურთელს წასვლა არ სურს. ის "ბლაუგრანას" პირველ გუნდში ვარჯიშით ძალიან კმაყოფილია და მიიჩნევს, რომ ეს მას პროგრესში ეხმარება.
თუ ყველაფერი გეგმის მიხედვით წარიმართა, "ბარსელონას" სეზონის ბოლოსთვის ესპანეთის ჩემპიონობა უკვე განაღდებული ექნება და დიდი ალბათობით პაბლო ტორეს სათამაშო დროც გაიზრდება.
ამ სიახლეზე კომენტარები გათიშულია.
კომენტარები [ 5 ]