ორმა ბარსელონელმა წააგო, ერთმა კი მოიგო და გაიტანა

დღევანდელი სანაკრებო მატჩები ორი "ბარსელონელისთვის" წარუმატებელი გამოდგა, ერთმა კი მოიგო და გაიტანა კიდეც.

ესპანეთმა შოტლანდიასთან 0-2 წააგო. გავიმ შეხვედრა სათადარიგოთა სკამიდან დაიწყო და მოედანზე 78-ე წუთზე შევიდა, ალეხანდრო ბალდე კი განაცხადში არ იყო. 

გერმანია ბელგიასთან 2-3 დამარცხდა. ტერ შტეგენი სასტარტო შემადგენლობაში იყო და სრული მატჩი ჩაატარა.

სამაგიეროდ, თავისი შეხვედრა მოიგო კოტ-დ'ივუარმა (2-0). კომოროსის წინააღმდეგ ფრანკ კესიემ მოედანზე 90 წუთი გაატარა და გოლიც გაიტანა.

ამით მარტის სანაკრებო პაუზა დასრულდა. შესაბამისად, "ბარსელონელები" კლუბში დაბრუნდებიან და "ელჩესთან" შეხვედრისთვის მოემზადებიან.