ბარსელონამ დანი ოლმოს ლაიფციგთან კონტრაქტის არგახანგრძლივება სთხოვა

Mundo Deportivo-ს ინფორმაციით, "ბარსელონამ" დანი ოლმოს სთხოვა, რომ "ლაიფციგთან" კონტრაქტი არ გაახანგრძლივოს.

ამავე წყაროს ცნობით, ეს კატარში, "ბარსასა" და ესპანელი ფეხბურთელის გარემოცვას შორის გამართულ შეხვედრაზე მოხდა. კატალონიურ კლუბს სურს, ოლმო 2024 წელს თავისუფალი აგენტის სტატუსით დაიმატოს.

დანი ოლმო "ბარსელონას" აღზრდილია. ის 2007-2014 წლებში "ლა მასიაში" ირიცხებოდა, თუმცა შემდეგ მშობლიური კლუბი დატოვა და პროფესიონალური კარიერია ზაგრების "დინამოში" დაიწყო. 24 წლის შემტევმა ხორვატიაში 5 წელი გაატარა, 2020 წლიდან კი გერმანიაში ასპარეზობს.