ანდრეას კრისტენსენის შეცვლის 5 კანდიდატი
გუშინ, დანიასა და ფინეთს შორის გამართულ მატჩში ანდრეას კრისტენსენმა ტრავმა მიიღო, რის გამოც, დიდი ალბათობით, 3-4 კვირა გაუცდება.
Mundo Deportivo-ს ინფორმაციით, "რეალ მადრიდთან" შეხვედრაში, დანიელის შეცვლის ყველაზე დიდი შანსი მარკოს ალონსოს აქვს. ამ უკანასკნელმა კოპა დელ რეის ნახევარფინალში გამართულ "ელ კლასიკოში" შესანიშნავი შთაბეჭდილება დატოვა და ფაქტია, რომ ჩავი დიდ მატჩებში მას ხშირად იყენებს.
მეორე ვარიანტი სერჟი რობერტოს მარჯვენა მცველად დაყენება და დაცვის ცენტრის რონალდ არაუხო-ჟიულ კუნდეს დუეტით გამაგრებაა.
კრისტენსენის პირდაპირი შემცვლელი ერიკ გარსიაა, მაგრამ აშკარაა, რომ ჩავი მას არ ენდობა და ნაკლებად მოსალოდნელია, ის ასეთ მნიშვნელოვან მატჩში დააყენოს.
ასევე შესაძლებელია "ბარსა ატლეტიკიდან" შადი რიადის დაწინაურება. 19 წლის მცველი შესანიშნავ ფიზიკურ ფორმაშია და უკვე მაროკოს ნაკრებშიც გამოიძახეს. გასულ წლის ნოემბერში მან "ბარსელონას" პირველ გუნდშიც ითამაშა.
ყველაზე არასავარაუდო ვარიანტი ფრენკი დე იონგის დაცვაში დაწევაა. ნიდერლანდელს აღნიშნულ პოზიციაზე უთამაშია, მაგრამ ის გუნდის ნახევარდაცვის უმნიშვნელოვანესი წევრია.
ამ სიახლეზე კომენტარები გათიშულია.
კომენტარები [ 12 ]