გავი პირველი გუნდის წევრი აღარაა

რამდენიმე კვირის წინ სასამართლომ გავის "ბარსელონას" პირველ გუნდში რეგისტრაციის გაუქმების გადაწყვეტილება მიიღო, ახლა კი ეს ლა ლიგის ოფიციალურ საიტზეც აისახა - 18 წლის ფეხბურთელი პირველი გუნდის წევრებს შორის აღარ წერია.

აღნიშნული გადაწყვეტილებით, გავი კვლავ სარეზერვო გუნდის წევრი იქნება და სეზონის ბოლომდე 30-ნომრიან მაისურს დაუბრუნდება. 30 ივნისის შემდეგ კი გუნდს სახელფასო ხარჯების შემცირებასა და ახალგაზრდა ნახევარმცველის კონტრაქტის დარეგისტრირებაზე მუშაობა მოუწევს.