ლეჩეს უმტიტის შენარჩუნება სურს
"ლეჩეს" სამუელ უმტიტის მუდმივი ტრანსფერით დამატება სურს. Mundo Deportivo-ს ინფორმაციით, იტალიური კლუბი ფრანგის თამაშით კმაყოფილია და მას გუნდის მნიშვნელოვან წევრად მიიჩნევს.
წყაროს ცნობით, "ლეჩე" აღნიშნულთან დაკავშირებით "ბარსელონას" უკვე დაუკავშირდა, თუმცა თავად ფეხბურთელი მიიჩნევს, რომ გადაწყვეტილების მიღება ადრეა.
უმტიტის გარემოცვა აცნობიერებს, რომ "ბარსაში" თავის დამკვიდრება რთული იქნება, თუმცა ფრანგი სეზონის დასრულებას ელოდება, რათა სხვა კლუბების პოტენციური შემოთავაზებებიც განიხილოს და გადაწყვეტილება ამის მიხედვით მიიღოს.
"ბარსელონამ" უმტიტი "ლეჩეში" გასულ ზაფხულს ერთი სეზონით, გამოსყიდვის უფლების გარეშე, გაანათხოვრა. 29 წლის უკანახაზელმა სეზონი ცუდად დაიწყო და სათამაშო დროს იშვიათად იღებდა, თუმცა ბოლო მატჩებში ის ძირითადი შემადგენლობის უცვლელი წევრია.
ამ სიახლეზე კომენტარები გათიშულია.
კომენტარები [ 6 ]