მატჩის შემდეგ არნაუ ტენასი და დანი კარვახალი ერთმანეთს დაუპირისპირდნენ
Mundo Deportivo-ს ინფორმაციით, გუშინდელი "ელ კლასიკოს" დასრულების შემდეგ არნაუ ტენასი დანი კარვახალს დაუპირისპირდა.
"რეალ მადრიდის" მარჯვენა მცველმა "ბარსას" ახალგაზრდა მეკარე პროვოკაციაზე წამოაგო - წყაროს ცნობით, როდესაც ტენასი გამარჯვების აღსანიშნავად სათადარიგოთა სკამიდან თანაგუნდელებისკენ მიემართებოდა, კარვახალმა მისკენ საჩვენებელი თითი გაიშვირა, შემდეგ კი კისერზე ხელი შემოხვია, რამაც არნაუ გააბრაზა. ისინი ჟორდი ალბამ გააშველა, თუმცა საქმე ამით არ დასრულებულა.
როცა კარვახალი მოედნიდან გადიოდა, "ბარსელონას" სათადარიგო მეკარის მისამართით არასასიამოვნო სიტყვები წამოიძახა, რამაც ტენასის განრისხება გამოიწვია - არნაუ მადრიდელთა ფეხბურთელისკენ გაბრაზებული გაიქცა, მაგრამ რონალდ არაუხომ, ანტონიო რიუდიგერმა, ტიბო კურტუამ და "რეალ მადრიდის" შტაბის წევრებმა შეაჩერეს, ჟორდი ალბა და "ბარსას" დელეგატი კარლოს ნავალი კი კარვახალს ეუბნებოდნენ, რომ პროვოკაცია შეეწყვიტა.
ამ სიახლეზე კომენტარები გათიშულია.
კომენტარები [ 11 ]