რონალდ არაუხო 2-3 კვირას გამოტოვებს
რონალდ არაუხომ "რეალ მადრიდთან" თამაში დისკომფორტით დაასრულა.
Mundo Deportivo-ს ინფორმაციით, ურუგვაელმა ფეხბურთელმა მატჩის მიმდინარეობისას ორივე მომზიდველ კუნთზე ტკივილი იგრძნო, თუმცა შეხვედრა მაინც ბოლომდე დაასრულა. მატჩის შემდეგ გავრცელებულ ფოტოებში ჩანს, რომ ფეხბურთელს კუნთებზე ყინული უდევს.
წყაროს ცნობით, არაუხო დღეს სამედიცინო შემოწმებას გაივლის.
როგორც Cadena Ser-ის ჟურნალისტი ადრია ალბეტსი იტყობინება, 24 წლის ფეხბურთელის დაზიანება სერიოზული არაა, მას ტრავმა არ აქვს და დისკომფორტის მიზეზი გადაღლილობაა. არაუხო დასვენების მიზნით ბარსელონაში დარჩება და ურუგვაის ნაკრებს არ შეუერთდება, რომელიც მარტში ორ ამხანაგურ შეხვედრას გამართავს.
განახლება: AS-ის ჟურნალისტის, ხავი მიგელის ცნობით, რონალდ არაუხო 2-3 კვირას გამოტოვებს, თუმცა 5 აპრილს კოპა დელ რეის განმეორებით ნახევარფინალურ შეხვედრაში "რეალ მადრიდის" წინააღმდეგ მისი მონაწილეობა საფრთხის ქვეშ არაა.
ამ სიახლეზე კომენტარები გათიშულია.
კომენტარები [ 12 ]