ფლორენტინო პერესი დღევანდელ ელ კლასიკოს არ დაესწრება
"რეალ მადრიდის" პრეზიდენტი ფლორენტინო პერესი დღეს გასამართ "ელ კლასიკოს" არ დაესწრება. ინფორმაციას ამის შესახებ SER-ის ჟურნალისტი ადრია სოლდევილა ავრცელებს.
ესპანეთში მიღებულია, რომ თამაშების წინ კლუბების დირექტორები ერთად სადილობენ, შეხვედრას კი ტრიბუნებიდან პრეზიდენტები თვალს ერთად ადევნებენ. თუმცა დღევანდელი "ელ კლასიკო" გამონაკლისი იქნება.
აქამდეც ცნობილი იყო, რომ დირექტორების შეხვედრა არ გაიმართებოდა. ამის მიზეზი ბოლო დღეებში კლუბებს შორის არსებული დაპირისპირებაა, რომელიც ნეგრეირას საქმეს უკავშირდება.
ცოტა ხნის წინ SER-მა გაავრცელა ინფორმაცია, რომლის თანახმადაც "რეალ მადრიდმა" "ბარსელონას" აცნობა, რომ ფლორენტინო პერესი დღეს კატალონიაში არ გაემგზავრება. ფლორენტინოს გადაწყვეტილების ოფიციალური მიზეზი უცნობია.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 10 ]