ვინ შეცვლის პედრის ელ კლასიკოში? - 5 ვარიანტი
პედრი გონსალესს "რეალ მადრიდთან" ხვალ გასამართ დაპირისპირებაში გუნდის დახმარება ძალიან სურდა, მაგრამ პარასკევს გამართულ სესიაზე დისკომფორტი იგრძნო.
ცხადია, რომ პედრისთან ერთად ჩავი ერნანდესი კვლავ 4 ნახევარმცველით ითამაშებდა, მაგრამ მის გარეშე, საკითხავია, რა სქემას აირჩევს.
სერხიო ბუსკეტსი, ფრენკი დე იონგი, გავი და რობერტ ლევანდოვსკი სასტარტოში აუცილებლად იქნებიან, შესაბამისად, დარჩენილი 2 ადგილისთვის 5 ფეხბურთელი იბრძვის: სერჟი რობერტო, ფრანკ კესიე, ფერან ტორესი, რაფინია და ანსუ ფატი. ყველა მათგანი განსხვავებული სტილის მოთამაშეა და ძირითადში მოხვედრის შანსი აქვს.
ჩავიმ, შესაძლოა, ნახევარდაცვა რიბერტოთი ან კესიეთი გააძლიეროს და ლევანდოვსკის შეტევაში მხოლოდ 1 მეწყვილე დაუყენოს. მეორე ვარიანტი მოედანზე ორი გარემარბის გაყვანაა.
ჩავი სეზონის ერთ-ერთ გადამწყვეტ მატჩს კვლავ ორი უმნიშვნელოვანესი ფიგურის: პედრისა და დემბელეს გარეშე ხვდება. ისინი გუნდს სანაკრებო პაუზის დამთავრებამდე ვერ დაუბრუნდებიან.
მომხმარებლებს, რომლებიც იმყოფებიან ჯგუფში სტუმარი, ამ მასალაზე კომენტარის დამატების უფლება არ აქვთ.
კომენტარები [ 12 ]