უსმან დემბელეს რეაბილიტაციის პროცესი მოსალოდნელზე ნელა მიმდინარეობს
უსმან დემბელე "ჟირონასთან" 28 იანვარს ბარძაყის არეში მიღებულ ტრავმას კვლავ იშუშებს. სამედიცინო პერსონალს მისი დაბრუნების ზუსტი დრო არ დაუთქვამს, რადგან დაზიანების გართულება არ სურს.
ტრავმის მიღებიდან თითქმის 2 თვის შემდეგ, ფრანგი სიუტატ ესპორტივაზე კვლავ ცალკე ვარჯიშობს. დემბელე ჩავი ერნანდესისთვის უმნიშვნელოვანესი ფიგურაა, რის გამოც გუნდი მაქსიმალურ სიფრთხილეს იჩენს.
Sport-ის ინფორმაციით, რეაბილიტაციის პროცესი იმაზე ნელა მიმდინარეობს, ვიდრე ელოდნენ და ფეხბურთელი თავს არცისე კარგად გრძნობს, თუმცა მას რეციდივი არ აქვს. ამის გამო, 19 მარტს გასამართ "ელ კლასიკოში" უსმანის თამაში გამორიცხულია და ის ვერც საფრანგეთის ნაკრების განაცხადში მოხვდა.
ორკვირიანი პაუზის დროს დემბელეს ტესტები ყოველდღიურად ჩაუტარდება, რათა გაირკვეს, ის გუნდს ახლო მომავალში დაუბრუნდება თუ არა. მიზანი "რეალ მადრიდთან" 5 აპრილს კოპა დელ რეის ნახევარფინალში გასამართი განმეორებითი მატჩისთვის მზადყოფნაა.
ნებისმიერ შემთხვევაში, დემბელე ექიმებისგან თამაშის ნებართვას მხოლოდ მაშინ მიიღებს, როცა 100%-ით მზად იქნება.
ამ სიახლეზე კომენტარები გათიშულია.
კომენტარები [ 6 ]