ბარსელონა ლამინე იამალს 4 მატჩს გამოატოვებინებს
"ბარსელონამ" გადაწყვიტა, რომ ლამინე იამალს ესპანეთის 17-წლამდელთა ნაკრებში ჩადენილი უდისციპლინო ქმედებისთვის ჟუვენილ ა-ს 4 მატჩი გამოატოვებინოს.
Sport-ის ინფორმაციით, ამ ინციდენტში "რეალ მადრიდისა" და მადრიდის "ატლეტიკოს" ფეხბურთელებიც იყვნენ ჩართულნი და მათაც იდენტური სასჯელი დაეკისრებათ.
თებერვალში, პორტუგალიაში გამართულ ახალგაზრდულ ტურნირზე, ალგარვის თასზე ლამინე იამალი გამორჩეული ფეხბურთელი იყო - გათამაშება ესპანეთის 17-წლამდელთა ნაკრებმა მოიგო, ლამინე კი 3 გოლით საუკეთესო ბომბარდირი გახდა. თუმცა, სწორედ ამ დროს მან ორ თანაგუნდელთან ერთად წესები დაარღვია.
ამის მიზეზის გამო, ესპანეთის 17-წლამდელთა ნაკრების მთავარმა მწვრთნელმა, ხულენ გერერომ იამალი მარტში გასამართი საკვალიფიკაციო ეტაპის მატჩებისთვის არ გამოიძახა.
ლამინე ჟუვენილ ა-ს "სარაგოსასთან" ჩასატარებელ მნიშვნელოვან შეხვედრაში ძალიან დააკლდება, მაგრამ კლუბმა გადაწყვიტა, რომ ფეხბურთელის დასჯა აუცილებელი იყო.
ამ სიახლეზე კომენტარები გათიშულია.
კომენტარები [ 13 ]