ანსუ ფატის სჯერა, რომ ნდობის შემთხვევაში ფორმას აღიდგენს
"ბარსელონას" ხელმძღვანელობამ ჟორჟე მენდეშთან პორტუგალიაში გამართული შეხვედრის დროს ანსუ ფატის საკითხი განიხილა.
Relevo-ს ინფორმაციით, აგენტი მზადაა, საჭიროების შემთხვევაში, თავის კლიენტს ახალი კლუბი მოუძებნოს და სატრანსფერო ბაზარს აქტიურად აკვირდება.
ანსუს გარემოცვა მიიჩნევს, რომ თავდაჯერებულობის მოპოვებისა და სათამაშო დროის მიღების შემდეგ ის ფორმას აღიდგენს. თუ სეზონის ბოლომდე სიტუაცია არ შეიცვლება, მხარეები გადაწყვეტილებას მიიღებენ. ფეხბურთელის გარემოცვას იჯარის ვარიანტი არ ხიბლავს.
თავის მხრივ, ფატის "ბარსელონაში" წარმატებების მიღწევა ყოველთვის სურდა და სათამაშო პრაქტიკის დეფიციტის მიუხედავად, სჯერა, რომ საკუთარი თავის საუკეთესო ვერსიის დაბრუნება შეუძლია. ანსუს პრიორიტეტი სწორედ ესაა და კატალონიური გრანდის დატოვებას მხოლოდ იმ შემთხვევაში განიხილავს, თუ სხვა გზა არ ექნება.
ამ სიახლეზე კომენტარები გათიშულია.
კომენტარები [ 10 ]