ილქაი გიუნდოგანი მზადაა, ბარსელონაში სათამაშოდ ხელფასი შეიმციროს
AS-ის ინფორმაციით, ჩავი ერნანდესის ილქაი გიუნდოგანს დაუკავშირდა, რათა ის "ბარსელონაში" გადმოსვლაში დაარწმუნოს. ჩავიმ გერმანელს უთხრა, რომ კლუბი ფინანსური პრობლემების მოსაგვარებლად ყველაფერს გააკეთებს.
პირველი კონტაქტი პოზიტიური იყო, რადგან გიუნდოგანი მზადაა, "ბარსაში" სათამაშოდ ხელფასი შეიმციროს. კატალონიური გრანდი გეგმავს, რომ მას 3-წლიანი კონტრაქტი შესთავაზოს.
გიუნდოგანის ტრანსფერი საკმაოდ ხელსაყრელი იქნება, რადგან ის კლუბს უფასოდ შემოუერთდება. მისი დამატება ასევე ნიშნავს, რომ სხვა შუახაზელებს დასვენების საშუალება მიეცემათ. გარდა ამისა, ილქაისთან ერთად ჩავის 4-ნახევარმცველიანი სისტემა უფრო პროდუქტიული იქნება.
"ბარსელონას" ხელმძღვანელობა ნახევარდაცვის დასაბალანსებლად გიუნდოგანის შეძენას ძალიან მნიშვნელოვან ფაქტორად მიიჩნევს.
"ბარსას" მხოლოდ ილქაის ტრავმიანობა აფიქრებს. კლუბი მზადაა, გარისკოს, მაგრამ სამედიცინო პერსონალი მას დეტალურ გამოკვლევას ჩაუტარებს.
კატალონიურ გრანდში სჯერათ, რომ თუ გიუნდოგანს დაიმატებენ და სერხიო ბუსკეტსიც კონტრაქტს გაახანგრძლივებს, ზაფხულის სატრანსფერო ფანჯარაზე მეტი ნახევარმცველის შეძენა საჭირო აღარ იქნება. თუ ბუსკეტსი წავა, გუნდს საყრდენის პოვნა მოუწევს, რადგან ნიკო გონსალესს არ ენდობა.
ამ სიახლეზე კომენტარები გათიშულია.
კომენტარები [ 5 ]