ბარსელონას პრიორიტეტი კონტრაქტების დარეგისტრირებაა
Mundo Deportivo-ს ინფორმაციით, "ბარსელონა" ზაფხულში 4 პოზიციის გაძლიერებას გეგმავს. კლუბს მარჯვენა მცველის, ცენტრალური მცველის, ნახევარმცველისა და შემტევის შეძენა სურს.
კატალონიური გრანდი მარჯვენა მცველის პოზიციაზე ხუან ფოიტისა და ტომას მუნიეს კანდიდატურას განიხილავს; ცენტრში "ბარსას" ევან ნ'დიკასა და ინიგო მარტინესის ვარიანტი აქვს, მაგრამ ასევე ემერიკ ლაპორტი შესთავაზეს; ნახევარდაცვაში სასურველი მოთამაშეები ბერნარდუ სილვა და მარტინ სუბიმენდი არიან, მაგრამ ილქაი გიუნდოგანიც ხელმისაწვდომია; შეტევაში კი ვიტორ როკე სერიოზული შესაძლებლობაა, თუმცა კლუბს მარკუს ტურამი შესთავაზეს და ზაფხულში ეზ აბდეც დაბრუნდება.
ყველაფრის მიუხედავად, Mundo Deportivo-ს ცნობით, უნდა აღინიშნოს, რომ ზაფხულში "ბარსელონას" პრიორიტეტი ფეხბურთელთა ახალი კონტრაქტების დარეგისტრირება იქნება. კლუბს პირველ რიგში რონალდ არაუხოს, მარკოს ალონსოსა და სერჟი რობერტოს რეგისტრაციის მოგვარება სურს.
გარდა ამისა, "ბარსას", შესაძლოა, გავის საკითხზე ზრუნვაც მოუწიოს. ის უკვე დარეგისტრირებულია, მაგრამ ლა ლიგამ აღნიშნული საქმე გაასაჩივრა და ჯერ არავინ იცის, რა მოხდება.
თუ ლა ლიგის სარჩელს უარით გაისტუმრებენ, "ბარსელონას" არაფრის გაკეთება მოუხდება. მაგრამ თუ ასე არ მოხდება, მაშინ კატალონიელებს კიდევ უფრო მეტი პრობლემა შეექმნებათ, რომ ლიმიტს მოერგონ.
ამ სიახლეზე კომენტარები გათიშულია.
კომენტარები [ 8 ]