6 წელი ბარსელონას ისტორიაში ერთ-ერთი საუკეთესო მატჩიდან
ზუსტად 6 წლის წინ, 2017 წლის ამ დღეს, "ბარსელონას" ისტორიაში ერთ-ერთი საუკეთესო მატჩი ვიხილეთ.
კატალონიურმა კლუბმა ჩემპიონთა ლიგის მერვედფინალის პირველი შეხვედრა პარიზში 0-4 წააგო, თუმცა სასწაული მოახდინა და შემდეგ ეტაპზე მაინც გავიდა.
2017 წლის 8 მარტს, "პერი სენ-ჟერმენი" "კამპ ნოუზე" დიდი უპირატესობით ჩამოვიდა და გულის სიღრმეში ალბათ სჯეროდა, რომ მომდენო ეტაპის საგზური უკვე განაღდებული ჰქონდა.
"ბარსელონა" განმეორებითი მატჩის 50-ე წუთზე უკვე 3-0 იგებდა და ანგარიშის გათანაბრებამდე მხოლოდ 1 გოლი აშორებდა, რა დროსაც პსჟ-ის მხრიდან ედინსონ კავანიმ გაიტანა და კატალონიელთა მდგომარეობა კიდევ უფრო დამძიმდა - "ბარსას" კიდევ 3 გოლი უნდა გაეტანა (რადგან მაშინ გასვლაზე გატანილი გოლის წესი ჯერ კიდევ მოქმედებდა).
საბოლოოდ, სასწაული მოხდა და "ბარსელონამ" 6-1 მოიგო. ლუის ენრიკეს გუნდის მხრიდან გოლები ლუის სუარესმა (3'), ლეო მესიმ (50' პენ.), ნეიმარმა (88', 90+1' პენ.) და სერჟი რობერტომ (90+5') გაიტანეს, ერთი ბურთი კი საკუთარ კარში ლეივინ კურზავამ (40') ჩაჭრა. პსჟ-ის რიგებში თავი, როგორც აღვნიშნეთ, მხოლოდ კავანიმ (62') გამოიჩინა.
ამ მატჩში "ბარსელონას" მხრიდან მოედანზე იყვნენ: ტერ შტეგენი, მასკერანო, პიკე, უმტიტი, ბუსკეტსი, რაკიტიჩი, ინიესტა, მესი, რაფინია, სუარესი და ნეიმარი. ცვლილებაზე შემოვიდნენ: რობერტო, თურანი და ანდრე გომეში.
გავიხსენოთ ეს ლეგენდარული მატჩი, რომელიც ისტორიას "ლა რემონტადას" (რაც ესპანურად ქამბექს ნიშნავს) სახელით შემორჩა:
ამ სიახლეზე კომენტარები გათიშულია.
კომენტარები [ 5 ]