ლუის სუარესი: ნეიმარი ბარსელონაში რომ დარჩენილიყო, ოქროს ბურთი უკვე მოგებული ექნებოდა
"ბარსელონას" ლეგენდარული ურუგვაელი ფეხბურთელი, ლუის სუარესი კატალონიური კლუბიდან ნეიმარ ჟუნიორის წასვლაზე საუბრობს:
ნეიმარი "ბარსაში" რომ დარჩენილიყო, "ოქროს ბურთი" უკვე მოგებული ექნებოდა.
2016 წელს "ოქროს ბუცისთვის" კრიშტიანუ რონალდუს ვებრძოდი. ლეო მესი და ნეიმარი დამეხმარნენ - ისინი პენალტებს მითმობდნენ და ასისტებს მიკეთებდნენ... ამისთვის ყოველთვის მადლიერი ვიქნები.
როგორც მეგობარმა, ნეიმარს დარჩენა ვურჩიე, მაგრამ ეს მისი ოჯახის გადაწყვეტილება იყო. ბრაზილიელს ვეუბნებოდით: "ნეი, ინგლისი უკეთესია, მაგალითად, "მანჩესტერ სიტი". იქ ფეხბურთი შესანიშნავია... მაგრამ, საფრანგეთი?"
სანამ პსჟ-ში წავიდოდა, მე და ლეომ მას ვუთხარით: "თუ გინდა, დიდი ტიტულები ისევ მოიგო, ჩვენთან დარჩი."
ნეიმარმა მოგვისმინა და აღიარა, რომ მართლები ვიყავით, დარჩენა სურდა, მაგრამ მისმა ოჯახმა წასვლა გადაწყვიტა.
მესი მსოფლიო საუკეთესოა, ნეიმარი კი მეორე იყო. ჩვენ იმის მაგალითი ვიყავით, რომ 3 ვარსკვლავს ერთ გუნდში ერთი მიზნისთვის ბრძოლა შეუძლია.
ნეის წასვლამ გვატკინა, რადგან მისი მეგობრები და თანაგუნდელები ვიყავით. თანაც, ამერიკის შეერთებულ შტატებში პრესეზონზე ყოფნისას, ის ამბობდა, რომ არ მიდიოდა.
ამ სიახლეზე კომენტარები გათიშულია.
კომენტარები [ 11 ]