ფრანკ კესიე ბარსელონას არ დატოვებს
მიუხედავად იმისა, რომ "ბარსელონური" კარიერის პირველ თვეებში ფრანკ კესიეს სათამაშო დრო არ ეძლეოდა, კოტ-დ'ივუარელმა მოთმინება გამოიჩინა და ნელ-ნელა ჩავის სქემაში თავის ადგილს პოულობს.
ფეხბურთში მცირე დეტალმა შეიძლება ბევრი რამ გადაწყვიტოს. მაგალითად, ფეხბურთელმა, შესაძლოა, გუნდში ადგილი თანაგუნდელის ტრავმის ან დისკვალიფიკაციის გამო დაიმკვიდროს. ფრანკმა ეს კარგად იცოდა და Sport-მა ჯერ კიდევ გასული წლის ნოემბერში დაწერა, რომ ის დარწმუნებული იყო, რომ შანსებს მიიღებდა და ჩავის თავის შესაძლებლობებს უჩვენებდა.
საბოლოოდ, 2023 წელი კესიეს შესანიშნავი გამოსდის. ის გუნდს სთავაზობს რაღაც განსხვავებულს, ვიდრე კლუბის დნმ-ში არის. მას ერთ-ერთი საუკეთესო თამაში გუშინ, კოპა დელ რეის ნახევარფინალში, "რეალ მადრიდის" წინააღმდეგ ჰქონდა. ფრანკს მომენტის სწორედ შერჩევის და ტემპის კონტროლის შესანიშნავი უნარის აქვს.
ამ მომენტისთვის, "ბარსელონას" პოზიცია ნათელია: კესიე კლუბს ზაფხულში არ დატოვებს. ჩავი მას გუნდის პროექტისთვის ძალიან სასარგებლო მოთამაშედ მიიჩნევს და მისი პროგრესით კმაყოფილია. კოტ-დ'ივუარელი როგორც მოედანზე, ისე მის მიღმა სამაგალითოა.
რა თქმა უნდა, თუ "ბარსელონა" ხელსაყრელ შემოთავაზებას მიიღებს, შესაძლოა, სიტუაცია შეიცვალოს, მაგრამ ამჟამად ეს ვარიანტი არ განიხილება, თანაც იმის ფონზე, რომ გუნდს ზაფხულში გაძლიერების დიდი იმედი არ ექნება.
ამ სიახლეზე კომენტარები გათიშულია.
კომენტარები [ 21 ]