ჩავი ერნანდესმა და ჟოან ლაპორტამ ისაუბრეს
ხავი მიგელის ინფორმაციით, ინგლისიდან ბარსელონაში დაბრუნებისას ჩავი ერნანდესმა და ჟოან ლაპორტამ ისაუბრეს.
ჩავიმ პრეზიდენტს უთხრა, რომ გუნდმა იბრძოლა და მიზანთანაც ახლოს იყო, მაგრამ ამჟამინდელმა შემადგენლობამ სათანადო დონეზე თამაში ვერ შეძლო.
Sport-ის ინფორმაციით, "მანჩესტერ იუნაიტედთან" მარცხით ყველა იმედგაცრუებულია, მაგრამ კატალონიურ გრანდში მშვიდად არიან. არავინ ფიქრობს, რომ გრძელვადიანი პროექტი კრიზისშია.
ფეხბურთელები ამბობენ, რომ "მანჩესტერთან" მატჩებში არ გაუმართლათ და ჩემპიონთა ლიგაზეც "სიკვდილის ჯგუფში" მოხვდნენ. გარდა ამისა, ევროპა ლიგის პირველივე ეტაპზე "იუნაიტედთან" შეხვედრაც რთული იყო.
"ბარსელონაში" სჯერათ, რომ ჩემპიონთა ლიგაზე სასტარტო მცველების ყოლის შემთხვევაში მერვედფინალში გავიდოდნენ. გარდა ამისა, კლუბში ფიქრობენ, დემბელესთან, პედრისთან და გავისთან ერთად "მანჩესტერ იუნაიტედთან" ბევრი რამ სხვანაირად იქნებოდა, მაგრამ გუნდს სამივე მათგანი აკლდა.
"ბარსელონა" ჩავის სრულად ენდობა, და მიმდინარე მთავარი მიზანი ლა ლიგის მოგებაა, რაც თავიდანვე პრიორიტეტი იყო.
დღევანდელი ვარჯიშისას ერნანდესმა თავის ფეხბურთელებს უთხრა, რომ "იუნაიტედთან" მარცხმა მათზე გავლენა არ მოახდინოს. მწვრთნელს სურს, ლა ლიგაში მოგებათა სერია გაგრძელდეს.
ამ სიახლეზე კომენტარები გათიშულია.
კომენტარები [ 7 ]