რეალ მადრიდთან გასამართი მატჩის დრო და თარიღი ცნობილია

ესპანეთის ფეხბურთის ფედერაციის გადაწყვეტილებით, ლა ლიგის 26-ე ტურში "ბარსელონასა" და "რეალ მადრიდის" დაპირისპირება 19 მარტს, თბილისის დროით 23:00 საათზე გაიმართება. შეხვედრას "კამპ ნოუ" უმასპინძლებს.

აღნიშნული მატჩი "კოპა დელ რეიზე" გასამართ კიდევ ორ "ელ კლასიკოს" შორის ჩატარდება - "ბარსა" და "რეალ მადრიდი" ერთმანეთს ესპანეთის თასის ნახევარფინალშიც უპირისპირდებიან. მატჩები 2 მარტსა და 5 აპრილს გაიმართება.

გუნდები მიმდინარე სეზონში ერთმანეთს ორჯერ უკვე შეხვდნენ: ლა ლიგის პირველ წრეში "რეალ მადრიდმა" მეტოქე 3-1 დაამარცხა, მოგვიანებით კი ესპანეთის სუპერ თასის ფინალში იმავე ანგარიშით "ბლაუგრანამ" იმარჯვა.