სამუელ უმტიტი, შესაძლოა, ბარსელონაში დაბრუნდეს
"ბარსელონა" დაცვის ხაზის კიდევ უფრო გაძლიერებაზე მუშაობას განაგრძობს და Sport-ის ცნობით კატალონიურ გუნდს 3 ფეხბურთელი ჰყავს შერჩეული.
ცნობილია, რომ ჩავის გუნდში ცაცია ცენტრალური მცველი ჭირდება. დღეს გუნდში ერთადერთი ასეთი ფეხბურთელი მარკოს ალონსოა, რომლის ბუნებრივი პოზიციაც მარცხენა მცველობაა.
დიდი ხანია, "ბარსელონას" "ბილბაოს" ცენტრალურ მცველს, ინიგო მარტინესს უკავშირებენ, მაგრამ ბოლო დროს 31 წლის ფეხბურთელის დონე დავარდა, რაც მის საწინააღმდეგოდ მოქმედებს.
განიხილება სამუელ უმტიტის დაბრუნების ვარიანტიც. 29 წლის ფეხბურთელი "ლეჩეშია" განათხოვრებული. როგორც ჩანს, ფრანგმა უკანახაზელმა ტრავმები უკან მოიტოვა და ბოლო დროს სტაბილურად კარგად ათამაშდა.
მესამე ვარიანტი კი "აინტრახტის" 23 წლის ცენტრალური მცველი ევან ნდიკაა, რომელთანაც, როგორც გერმანული Sport1 იტყობინება, "ბარსას" შეთანხმება უკვე მიღწეული აქვს.
ინიგო მარტინესი და ევან ნდიკა სეზონის ბოლოს თავისუფალი აგენტები იქნებიან, უმტიტი კი ისედაც "ბარსელონას" საკუთრებაა. ეს ნიშნავს, რომ "ბარსას" ცაცია ცენტრალურ მცველში ფულის გადახდა არ მოუწევს.
ამ სიახლეზე კომენტარები გათიშულია.
კომენტარები [ 10 ]