ბარსელონას აბდეს, ნიკოსა და სხვა ახალგაზრდების გაყიდვას გეგმავს
"ბარსელონა" გეგმავს, "ლა მასია" შემოსავლის წყაროდ აქციოს და ახალგაზრდა ფეხბურთელებით ფული გამოიმუშაოს. Cadena SER-ის ცნობით ეს ჟოან ლაპორტას ერთ-ერთი მიზანია.
ესპანური წყაროს ინფორმაციით "ბარსელონა" აპირებს, გაყიდოს ის ფეხბურთელები, რომლებიც "ბარსა ატლეტიკისთვის" ზედმეტად კარგები არიან, მაგრამ არასაკმარისად კარგები პირველი გუნდისთვის. SER მაგალითებად ნიკო გონსალესსა და აბდე ეზალზულის ასახელებს.
გასულ ზაფხულში "ბარსა ატლეტიკი" ათმა ფეხბურთელმა დატოვა, 13 მოთამაშე კი გუნდს შეუერთდა. "ბლაუგრანამ" ამ ტრანსფერებში 3.7 მილიონი ევრო გადაიხადა, თავად კი 6 მილიონი გამოიმუშავა, საიდანაც 5 მილიონი ფერან ჟუტგლას ტრანსფერზე მოდის.
პრობლემას ის ქმნის, რომ ახალგაზრდა ფეხბურთელებს მოკლევადიანი კონტრაქტები აქვთ, რაც მათ ფასს აგდებს. "ბარსელონას" გეგმა კი მოთამაშეებთან ხელშეკრულებების გახანგრძლივება და კლუბიდან მათი ამის შემდეგ გაშვებაა. სწორედ ასე მოხდა ნიკოსა და აბდეს შემთხვევაში - "ბლაუგრანამ" ფეხბურთელებს კონტრაქტები ზაფხულში გაუხანგრძლივა, შემდეგ კი ისინი "ვალენსიასა" და "ოსასუნაში" გაანათხოვრა.
ამ სიახლეზე კომენტარები გათიშულია.
კომენტარები [ 7 ]