ბარსელონას სახელფასო ფონდის €200 მილიონით შემცირება მოუწევს
Mundo Deportivo-ს ჟურნალისტის, როჟერ ტორელიოს ინფორმაციით, "ბარსელონა" ვალდებულია, ზაფხულში სახელფასო ფონდი შეამციროს.
როგორც ლა ლიგა ამბობს, კატალონიურ კლუბს ფეხბურთელთა ანაზღაურების შემცირება €200 მილიონით მოუწევს - ეს, შესაძლოა, შემოსავლების ზრდით მოხდეს ან ხარჯის დაკლებით. კლუბი ამ საკითხზე მუშაობს.
შემოსავლების ზრდის ერთ-ერთი საშუალება ფეხბურთელების გაყიდვაა - ეს სახელფასო ხარჯებს შეამცირებს, განსაკუთრებით იმ შემთხვევაში, თუ კლუბს მაღალანაზღაურებადი მოთამაშე დატოვებს. "ბარსა" რამდენიმე ვარიანტს განიხილავს, თუმცა გადაწყვეტილება ჯერ არ მიუღია.
ერთ-ერთი კანდიდატი სერჟი რობერტოა. ჯერ უცნობია, ის კლუბის ახალ შეთავაზებას მიიღებს თუ არა. თავისი მომავალი სერხიო ბუსკეტსმაც უნდა გადაწყვიტოს. "ბარსელონა" ასევე ჟორდი ალბას სიტუაციას გადახედავს, რომლის კონტრაქტიც 2024 წელს იწურება.
ფრანკ კესიეც სახელიც სატრანსფერო ბაზართან ასოცირდება, მაგრამ კოტ-დ'ივუარელი თავის მომავალზე ივნისში დაფიქრდება. ის უფასოდ მოვიდა და გაყიდვა კლუბს დიდ სარგებელს მოუტანს.
რაც შეეხება ფრენკი დე იონგს - ნიდერლანდელი უკვე ხელშეუხებელია, რადგან მან ჩავის სისტემაში ადგილი დაიმკვიდრა და გუნდის უმნიშვნელოვანესი წევრია.
თუ "ბარსელონა" შემტევებს შეიძენს, უნდა ვნახოთ, ფერან ტორესისა და ანსუ ფატის შემთხვევაში რა მოხდება, ისევე, როგორც უსმან დემბელეს შემთხვევაში, რომელსაც კლუბთან კონტრაქტი 2024 წელს ეწურება.
ამ სიახლეზე კომენტარები გათიშულია.
კომენტარები [ 7 ]