ბარსელონა ინიაკი პენიას გალათასარაიში გაშვებას არ აპირებს
"ბარსელონა" გუნდის სათადარიგო მეკარის, ინიაკი პენიას "გალათასარაიში" კიდევ ერთხელ იჯარით გაშვებას არ გეგმავს. ინფორმაციას ამის შესახებ ფაბრიციო რომანო ავრცელებს.
თურქეთში სატრანსფერო ფანჯარა დღეს იხურება და "გალათასარაის" ფეხბურთელების დამატების უფლება კვლავ აქვს. ცოტა ხნის წინ გუნდის პირველმა მეკარემ, ფერნანდო მუსლერამ ტრავმა მიიღო და სტამბოლელებმა "ბარსას" პენიას დამატების სურვილით მიმართეს.
პენია "გალათასარაიში" იჯარით 2022 წლის პირველ ნახევარში თამაშობდა და თავი კარგადაც წარმოაჩინა, რის გამოც თურქებს მისი კვლავ დამატების სურვილი გაუჩნდათ.
ფაბრიციო რომანოს ცნობით "ბარსელონა" 23 წლის მეკარის გუნდიდან გაშვებას არ აპირებს. ფეხბურთელის მოქმედ კონტრაქტს ვადა სეზონის ბოლოს გასდის და კატალონიელები ხელშეკრულების გახანგრძლივებაზე მუშაობენ.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 4 ]