ბარსელონა ტრინკაუს სანაცვლოდ €7 მილიონს მიიღებს

Mundo Deportivo-ს ინფორმაციით, "ბარსელონა" ფრანსიშკუ ტრინკაუს სანაცვლოდ, რომელიც ლისაბონის "სპორტინგში" ჰყავდა განათხოვრებული, €7 მილიონს მიიღებს.

შეთანხმება შემდეგნაირი იყო: პორტუგალიური კლუბი ტრინკაუს იჯარაში €3 მილიონს გადაიხდიდა და იმ შემთხვევაში, თუ პრიმეირა ლიგიდან არ გავარდებოდა, ფეხბურთელის €7 მილიონად გამოსყიდვის ვალდებულება ექნებოდა. შესაბამისად, ფრანსიშკუ "ბარსას" საბოლოოდ ტოვებს.

ასევე, აღსანიშნავია, რომ "ბარსელონას" ტრინკაუს მომავალი ტრანსფერიდან 50% ერგება და, თუ მოისურვებს, €20-€25 მილიონად მისი გამოსყიდვაც შეეძლება.