ბარსელონა ჟოაუ კანსელუთი ინტერესდება
Sport-ის ინფორმაციით, ჟოაუ კანსელუმ, შესაძლოა, "მანჩესტერ სიტის" დატოვებაზე იფიქროს.
"ბარსელონა" პორტუგალიელის მიმართ ინტერესს გამოხატავს და მის აგენტს, ჟორჟე მენდეშს უკვე დაუკავშირდა.
"ბარსაში" იციან, რომ კანსელუ ტოპ მარჯვენა მცველია, მაგრამ აცნობიერებენ, რომ აღნიშნული ტრანსფერი მარტივი არ იქნება, რადგან "სიტი" მის სანაცვლოდ €70 მილიონს მოითხოვს.
ზაფხულში "ბარსელონას" მთავარი საზრუნავი მარჯვენა ფლანგი იქნება. სატრანსფერო ღირებულების გამო, ყველაზე რეალური კანდიდატები ბენჟამინ პავარი და ტომას მუნიე არიან.
მიუხედავად ამისა, ეს ყველაფერი ფინანსურ Fair Play-ზე იქნება დამოკიდებული. ასევე მნიშვნელოვანია, რომ გუნდი სერჟინიო დესტმა დატოვოს, მაგრამ კატალონიურ კლუბში შიშობენ, რომ სეზონის ბოლოს ამერიკელი დაბრუნდება, რადგან მას სათამაშო დრო არ აქვს და "მილანს" ფეხბურთელის €20 მილიონად გამოსყიდვა არ სურს.
ამ სიახლეზე კომენტარები გათიშულია.
კომენტარები [ 37 ]