ელ კლასიკოს მსაჯი ცნობილია
ზეგ, 15 იანვარს, 15:00 საათზე ესპანეთის სუპერ თასის ფინალი გაიმართება, რომელშიც "ბარსელონა" "რეალ მადრიდს" დაუპირისპირდება.
ესპანეთის ფეხბურთის ფედერაციამ თამაშის მთავარი მსაჯი დაასახელა. მთავარ საფეხბურთო დაპირისპირებას რიკარდო დე ბურგოს ბენგოეჩეა განსჯის.
ბენგოეჩეა 36 წლისაა. მან მსაჯობა 2009 წელს დაიწყო. 2011 წელს დე ბურგოსი ესპანეთის ჩემპიონატის მე-2 დივიზიონში დაწინაურდა, 2015 წლიდან კი ლა ლიგაში მსაჯობს.
კარიერის განმავლობაში ბენგოეჩეა თამაშში საშუალოდ 25.2 ჯარიმასა და 0.27 თერთმეტმეტრიანს ნიშნავს, ფეხბურთელებს კი 4.7 ყვითელ და 0.17 წითელ ბარათს უჩვენებს.
"ელ კლასიკოში" დე ბურგოსს აქამდე მხოლოდ ერთხელ უმსაჯია და ისიც ესპანეთის სუპერ თასზე. 2017 წელს, "კამპ ნოუზე" გამართული შეხვედრა სტუმრებმა 3-1 მოიგეს. ეს ის თამაშია, რომელშიც კრიშტიანუ რონალდუ მოედნიდან სიმულიანტობის გამო გააძევეს.
დე ბურგოს ბენგოეჩეას სტატისტიკა "ბარსელონასა" და "რეალ მადრიდის" თამაშებში:
რეალ მადრიდი | ბარსელონა | |
თამაში | 18 | 23 |
მოგება | 13 | 18 |
ფრე | 3 | 1 |
წაგება | 2 | 4 |
მოგების % | 72% | 78% |
სასარგებლოდ დანიშნული პენალტი | 6 | 7 |
საწინააღმდეგოდ დანიშნული პენალტი | 1 | 0 |
სასარგებლოდ ნაჩვენები წითელი | 2 | 5 |
საწინააღმდეგოდ ნაჩვენები წითელი | 1 | 1 |
ამ სიახლეზე კომენტარები გათიშულია.
კომენტარები [ 9 ]