Philips ბარსელონას 4-წლიან კონტრაქტს სთავაზობს

ნიდერლანდური კომპანია Philips "ბარსელონას" სპონსორობით ინტერესდება და კატალონიურ გრანდს უკვე დაუკავშირდა.

Mundo Deportivo-ს ინფორმაციით, Philips-ს სურს, თავისი სახელი "ბარსას" მაისურის სახელოზე გამოჩნდეს და ასევე უნდათ, რომ კლუბს Espai Barça-ს პროექტში დაეხმარონ.

წყაროს ცნობით, Philips "ბარსელონას" 4 წლიან კონტრაქტს სთავაზობს. ნიდერლანდური კომპანია მზადაა, "ბარსას" მიმდინარე სეზონის დარჩენილ ნაწილში €2 მილიონი გადაუხადოს, შემდეგ სეზონებში კი, შესაბამისად, €8, €10 & €12 მილიონი. თუმცა, კატალონიელები წლიურად €20 მილიონს ითხოვენ.