ინიაკი პენიას ხვალ თამაშის უფლება არ აქვს
ჩავი ერნანდესი გეგმავს, რომ "ინტერსიტისთან" ესპანეთის თასზე ხვალ გასამართ მატჩში სასტარტო შემადგენლობაში გუნდის სათადარიგო მეკარე, ინიაკი პენია დააყენოს, მაგრამ როგორც ირკვევა, "ბარსელონას" ბიუროკრატიული პრობლემები აქვს.
კატალონიის რადიოს ჟურნალისტის, ტოტ კოსტას ინფორმაციით ესპანეთის ფეხბურთის ფედერაციამ "ბარსელონას" აცნობა, რომ კატალონიელებს ხვალ პენიას თამაშის უფლება არ აქვთ.
მიზეზი შემდეგია: პენიას კონტრაქტი აქვს "ბარსა ატლეტიკთან" და არა პირველ გუნდთან. სარეზერვო გუნდების მოთამაშეების პირველ გუნდში თამაში დაშვებულია, მაგრამ მხოლოდ იმ შემთხვევაში, თუ მოთამაშეს 23 წელი არ შესრულებია. პენია უკვე 23 წლისაა, რაც იმას ნიშნავს, რომ მას ხვალ თამაშის უფლება არ აქვს.
ტოტ კოსტას ცნობით "ბარსას" ინიაკის პირველ გუნდში დასარეგისტრირებლად საჭირო დოკუმენტაცია უკვე გადაგზავნილი აქვს და პასუხს ელოდება. ამ პასუხზე იქნება დამოკიდებული, ვიხილავთ თუ არა ხვალ პენიას "ბარსას" კარში.
ამ სიახლეზე კომენტარები გათიშულია.
კომენტარები [ 5 ]