ესპანიოლი სასამართლოს გადაწყვეტილებით უკმაყოფილო დარჩა
გუშინ ცნობილი გახდა, რომ მადრიდის სასამართლომ "ბარსელონას" მოთხოვნა დააკმაყოფილა და რობერტ ლევანდოვსკის დისკვალიფიკაცია შეაჩერა, რაც იმას ნიშნავს, რომ პოლონელი დღეს "ესპანიოლის" წინააღმდეგ ითამაშებს.
ჩავიმ გუშინვე განაცხადა, რომ ამ გადაწყვეტილების მისაღებად შესაფერისი დრო არ იყო, რადგან გუნდი ლევანდოვსკის გარეშე თამაშისთვის ემზადებოდა. უკმაყოფილოა "ესპანიოლიც". "თუთიყუშებმა" ოფიციალური განცხადება გაავრცელეს, სადაც აღნიშნულია, რომ თამაშამდე 24 საათით ადრე მსგავსი გადაწყვეტილების მიღება ლა ლიგისთვის სახიფათო პრეცედენტია. "ესპანიოლი" უკმაყოფილო დარჩა იმითაც, რომ საქმის განხილვის დროს ამ კლუბს არანაირი ინფორმაცია არ მიაწოდეს.
რთულია, "ესპანიოლს" არ გავუგოთ. ჩვენი დღევანდელი მეტოქე ემზადებოდა, რომ ლევანდოვსკის გარეშე მყოფ "ბარსელონას" დაუპირისპირდებოდა. თუმცა მთავარი ისაა, რომ "ბარსას" საჩივარი დღევანდელ შეხვედრას არ ეხებოდა - "ბლაუგრანას" მოთხოვნები რომც დაეკმაყოფილებინათ, რობერტს ერთმატჩიანი დისკვალიფიკაცია დარჩებოდა და ის "ესპანიოლთან" მაინც ვერ ითამაშებდა.
ამ სიახლეზე კომენტარები გათიშულია.
კომენტარები [ 2 ]