ალბას საგოლე პასი და ფრე ესპანეთსა და გერმანიას შორის

მსოფლიო ჩემპიონატის E ჯგუფის მატჩი, რომელშიც ერთმანეთს ესპანეთი და გერმანია დაუპირისპირდნენ, როგორც მოსალოდნელი იყო, დაძაბული გამოდგა.

მოგების შანსი ორივე გუნდს ჰქონდა, მაგრამ ვერცერთმა მოახერხა.

უგოლო პირველი ტაიმის შემდეგ ანგარიში ესპანელებმა 62-ე წუთზე გახსნეს, როდესაც ჟორდი ალბას ზუსტ პასს ზუსტი დარტყმა ალვარო მორატამ მოაყოლა.

გერმანიამ 83-ე წუთზე გაათანაბრა - მუსიალას პასით ფულკრუგმა გაიტანა.

წინა შეხვედრის მსგავსად ესპანეთის სასტარტო შემადგენლობაში ალბა, ბუსკეტსი, გავი, პედრი და ტორესი მოხვდნენ. ტორესი 54-ე წუთზე შეცვალეს, გავი 66-ეზე, ხოლო ალბა 82-ეზე. პედრიმ და ბუსკეტსმა სრულად ითამაშეს. კვლავ შეცვლაზე შემოვიდა ბალდე, ხოლო ერიკ გარსია და ანსუ ფატი ისევ სათადარიგოთა შორის დარჩნენ. ასევე სათადარიგო იყო გერმანელთა მეკარე მარკ-ანდრე ტერ შტეგენი.

2 ტურის შემდეგ ესპანეთი 4 ქულით ჯგუფს ლიდერობს, გერმანია კი ბოლო ადგილზეა. "ფურია როხას" ბოლო ტურში იაპონიასთან მოგება პირველობას გაუნაღდებს, ხოლო ფრე 1/8-ფინალის საგზურს. გერმანიას ჯგუფის პირველ ადგილზე დასრულების შანსი არ აქვს, მომდევნო ეტაპზე გასასვლელად კი კოსტა რიკასთან აუცილებლად მოგება ჭირდება, თუმცა არის თეორიული შანსი, რომე ესეც არ ეყოს.

ალბას საგოლე პასი: