შეხვედრა იანვარში - ბარსელონას ალბასთან კონტრაქტის გაწყვეტა სურს
"ბარსელონა" მომდევნო ზაფხულისთვის სახელფასო ხარჯის მნიშვნელოვნად შემცირებაზე ზრუნვას განაგრძობს.
ჟერარ პიკეს პრობლემა მოგვარებულია, დიდი ალბათობით გუნდს სეზონის ბოლოს დატოვებს სერხიო ბუსკეტსიც. ეს ნიშნავს, რომ პრობლემური კონტრაქტებით გუნდში 3 ფეხბურთელი რჩება - ფრენკი დე იონგი, მარკ-ანდრე ტერ შტეგენი და ჟორდი ალბა.
ცნობილია, რომ "ბარსელონა" ტერ შტეგენთან და დე იონგთან კონტრაქტის პირობების გადახედვაზე მოლაპარაკებების დაწყებას აპირებს. ბოლო ცნობებით კი, რომელსაც Mundo Deportivo ავრცელებს, კლუბში ალბასთან გასაუბრებასაც აპირებენ, მაგრამ არა ახალ კონტრაქტზე.
ცოტა ხნის წინ ალბამ განაცხადა, რომ აპირებს "ბლაუგრანაში" კონტრაქტის ვადის ამოწურვამდე, ანუ 2024 წლამდე დარჩეს. თუმცა კლუბში სხვანაირად ფიქრობენ. კატალონიური მედიის ცნობით "ბარსელონა" გეგმავს, ჟორდის იანვარში დაელაპარაკოს, საუბრის მიზანი კი მისი კონტრაქტის 2023 წლის ზაფხულში გაწყვეტა იქნება.
ამ სიახლეზე კომენტარები გათიშულია.
კომენტარები [ 5 ]