ჩავი ერნანდესი: ბრაზილია და არგენტინა ყველაზე ძლიერები არიან
"ბარსელონას" მთავარი მწვრთნელი, ჩავი ერნანდესი COPE-ს ესაუბრა:
ესპანეთის ნაკრების მჯერა. ლუის ენრიკე ძალიან კარგად მუშაობს. გუნდი შეკრულია და შორს წასვლა შეუძლია.
ბრაზილია ნეიმარის ლიდერობით და არგენტინა მოტივირებული ლეო მესით ძალიან ძლიერი გუნდები არიან. ვფიქრობ, ეს ნაკრებები ყველაზე მაღლა დგანან.
ყატარში მივდივარ - 25 ნოემბრიდან 30 ნოემბრამდე იქ ვიქნები და ესპანეთი-გერმანიას ვნახავ.
ლევანდოვსკის დისკვალიფიკაციას გავასაჩივრებთ. ვფიქრობ, რომ მან ზედმეტად მკაცრი სასჯელი მიიღო. ვნახოთ, საჩივარს დაგვიკმაყოფილებენ თუ არა. რობერტის ქცევები სამაგალითოა.
ჩემპიონთა ლიგაზე თამაში არ გამოგვივიდა, მაგრამ დრო და სიმშვიდე გვჭირდება. სწორ გზაზე ვდგავართ და ლა ლიგის ლიდერები ვართ.
ჩემთვის, ეჭვგარეშეა, რომ მესი ისტორიაში საუკეთესო ფეხბურთელია - მნიშვნელობა არ აქვს, ლეო მსოფლიო ჩემპიონატს მოიგებს თუ არა.
ლუის ენრიკეს სტილი, ხასიათი და იდეები ნამდვილად მომწონს. ის ბუნებრივად ლიდერია. ლუჩოს გუნდის უნდა გვჯეროდეს.
ამ სიახლეზე კომენტარები გათიშულია.
კომენტარები [ 1 ]