4-მატჩიანი დისკვალიფიკაცია ჟერარ პიკეს

დღეს ცნობილი გახდა, რომ რობერტო ლევანდოვსკი სამმატჩიანი დისკვალიფიკაციით დაისაჯა.

მიზეზი "ოსასუნასთან" მატჩში (1-2) მომხდარია. იმავე შეხვედრაში ადგილი კიდევ ერთ ინციდენტს ჰქონდა, რომლის მთავარი გმირიც ჟერარ პიკეა. 35 წლის ფეხბურთელმა შესვენებაზე მთავარ მსაჯს სიტყვიერი შეურაცხყოფა მიაყენა, რის გამოც წითელი ბარათი მიიღო.

ამ ინციდენტის გამო სადისციპლინო კომიტეტმა ჟერარ პიკეს 4-მატჩიანი დისკვალიფიკაცია მისცა. თუმცა ვინაიდან ფეხბურთელმა კარიერა უკვე დაასრულა, ის ამ სასჯელს ვერ მოიხდის.