რამდენად შეამსუბუქებს ბარსას ფინანსურ მდგომარეობას ევროპა ლიგის მოგება?
ჩემპიონთა ლიგის ჯგუფში ჩარჩენა რომ "ბარსელონას" ფინანსურ მდგომარეობას კიდევ უფრო გააუარესებდა, ეს ისედაც ვიცოდით. მოდით, ვნახოთ, რამდენადაა შესაძლებელი, დანაკლისი ევროპა ლიგამ აანაზღაუროს.
"ბარსელონას" 2022/23 წლების სეზონის ბიუჯეტში გათვალისწინებული იყო, რომ გუნდი ჩემპიონთა ლიგის მეოთხედფინალში გავიდოდა და UEFA-სგან შესაბამის საპრიზო თანხას მიიღებდა. 1/8-ფინალში გამსვლელი გუნდები 9.6 მილიონ ევროს იღებენ, ხოლო 1/4-ფინალისტები კიდევ 10.6 მილიონს. ეს ნიშნავს, რომ "ბლაუგრანამ" 20.2 მილიონი ევრო უკვე დაკარგა.
როგორი საპრიზო თანხებია ევროპა ლიგაზე? როგორც ირკვევა, იმ შემთხვევაშიც კი, თუ "ბარსელონა" ამ ტურნირს მოიგებს, კატალონიელებს ჩემპიონთა ლიგის 1/4-ფინალის ბონუსების ნახევარზე ცოტათი მეტი შეხვდებათ.
ევროპა ლიგიდან ჩემპიონთა ლიგაზე გავარდნილი გუნდები ასპარეზობაში 1/16-ფინალიდან ერთვებიან და ამ ეტაპზე მოხვედრისთვის ნახევარ მილიონ ევროს მიიღებენ. მერვედფინალში გასვლა 1.2 მილიონი ევროთი ფასდება, მეოთხედფინალი 1.8 მილიონით, ნახევარფინალი 2.8 მილიონით, ხოლო ფინალის მოგება 4.6 მილიონით. ეს ნიშნავს, რომ ევროპა ლიგის მოგების შემთხვევაში "ბარსას" საპრიზო ფონდიდან მხოლოდ 10.9 მილიონი ევრო შეხვდება.
შედარებისთვის, ჩემპიონთა ლიგის ჯგუფურ ეტაპზე მოხვედრის სანაცვლოდ კლუბი თითქმის 15 მილიონით საჩუქრდება, თითო მოგება კი 2.8 მილიონით ფასდება.
ამ სიახლეზე კომენტარები გათიშულია.
კომენტარები [ 8 ]