დე იონგი აზრს არ იცვლის და ბარსელონაში რჩება
ფრენკი დე იონგი "ბარსელონადან" წასვლას არ აპირებს იმის მიუხედავად, რომ "ბლაუგრანა" ჩემპიონთა ლიგაზე ვეღარ ითამაშებს. ამ ინფორმაციას Sport ავრცელებს.
გასულ ზაფხულში ფრენკიმ "მანჩესტერ იუნაიტედში" გადასვლაზე უარი არაერთხელ თქვა. ერთ-ერთ მთავარი მიზეზი ის იყო, რომ ინგლისური გუნდი ჩემპიონთა ლიგაზე არ გამოდიოდა. ახლა "ბარსამაც" იგივე ბედი გაიზიარა, მაგრამ თუ კატალონიურ მედიას დავუჯერებთ, ნიდერლანდელი შუახაზელი აზრს არ იცვლის. ის არ აპირებს, იანვარში სხვა კლუბების შეთავაზებები განიხილოს.
დე იონგის ხელფასი "ბარსელონასთვის" დიდი პრობლემაა და სწორედ ამიტომ ცდილობდა "ბლაუგრანა" ფეხბურთელის ზაფხულში გაყიდვას. თუმცა ფრენკი ტრანსფერის მსგავსად ანაზღაურების შემცირებაზეც უარს აცხადებს.
სეზონის სტარტი დე იონგს კარგი ნამდვილად არ ჰქონია, რადგან მას სასტარტო შემადგენლობაში იშვიათად ვხედავდით, თუმცა ბოლო დროს სიტუაცია შეიცვალა და 25 წლის ფეხბურთელი ჩავის გუნდის მნიშვნელოვან წევრად იქცა.
ამ სიახლეზე კომენტარები გათიშულია.
კომენტარები [ 22 ]