ჩავი ერნანდესმა შემტევი ტრიო საბოლოოდ შეარჩია
ამჟამად "ბარსელონას" 5 ისეთი თავდამსხმელი ჰყავს, რომელთაც სასტარტო შემადგენლობაზე პრეტენზია აქვთ, თუმცა, მათგან გარანტირებული ადგილი მხოლოდ რობერტ ლევანდოვსკის ეკუთვნის.
სეზონის წინ იწერებოდა და მოედანზეც ვხედავდით, რომ ჩავის ფავორიტი შემტევი ტრიო დემბელე-ლევანდოვსი-რაფინია იყო, მაგრამ ამ შემთხვევაში, ბრაზილიელს მარცხენა ფლანგზე თამაში ხშირად უწევდა, სადაც ნაკლებად პროდუქტიულია. მწვრთნელმა "ინტერთან" მატჩის შემდეგ გადაწყვიტა, რომ მას მარცხნივ აღარ დააყენებდა. თავის მხრივ, უსმანიც თავს უფრო კომფორტულად მარჯვენა ფლანგზე გრძნობს.
ამის შემდეგ ჩავიმ ფლანგებზე ფერან ტორესისა და ანსუ ფატის გამოყენება გადაწყვიტა, მაგრამ დიდი სათამაშო დრო არც მათ მისცა და ბოლო ორ მატჩში გადაწყვიტა, 4 ნახევარმცველით ეთამაშა და შედეგად, მარცხენა გარემარბის პოზიციაზე პედრი მოგვევლინა - "ბილბაოსთან" ამან გაამართლა, რასაც "ბაიერნთან" მატჩზე ვერ ვიტყვით.
ახლა კი, Sport-ის ჟურნალისტის, ივან სან ანტონიოს ცნობით, ჩავი ერნანდესმა საბოლოოდ გადაწყვიტა, რომ შემტევას ფატი-ლევანდოვსკი-დემბელეს ტრიოთი დააკომპლექტებს.
ამ სიახლეზე კომენტარები გათიშულია.
კომენტარები [ 18 ]