ჩავი ერნანდესი ბილბაოსთან მატჩის წინ
- თამაშის დრო: კვირა, 23 ოქტომბერი, 23:00
ჩავი ერნანდესმა ბილბაოს "ატლეტიკთან" მატჩის წინ პრესკონფერენცია გამართა.
ცვლილებებს აუცილებლად გავაკეთებთ, რადგან გუნდში დაღლილობა და დისკომფორტია. გვინდა, გუნდი 100%-ით მომზადებული იყოს.
ხვალ მოსაგებად ყველაფერს გავაკეთებთ.
დე იონგი დაცვაში ძალიან კარგია, მაგრამ ის შეტევაში კიდევ უფრო უკეთესია. მან პროგრესი უნდა განაგრძოს, ფრენკის უზარმაზარი პოტენციალი აქვს.
გავის მოგებულ ჯილდოს ვულოცავ. ის ამას იმსახურებს. გავი არაჩვეულებრივია. ის ყველაფერს ხედავს, ჯერ მხოლოდ 18 წლისაა და საოცრად თამაშობს.
დემბელესთან დაკავშირებით არაფერი იცვლება. ის უნიკალურია. უსმანს პირისპირ თამაშისას განსხვავების შექმნა შეუძლია. მას ვეუბნები, რომ 1-1-ზე აქტიურად ითამაშოს, მიუხედავად იმისა, რომ შესაძლოა ბურთი დაკარგოს. დემბელე გუნდის მნიშვნელოვან ფიგურად რჩება.
ერნესტო ვალვერდე შესანიშნავი მწვრთნელი და დიდებული ადამიანია. მან "ბარსელონაში" ძალიან კარგად იმუშავა. ჩემთვის ის ბრწყინვალე იყო.
ფატი ერთ-ერთია მათ შორის, ვისაც განსხვავების შექმნა შეუძლია. ის მნიშვნელოვანი ფეხბურთელია.
ტორეს სიტუაციით ბედნიერი არ ვარ. მინდა, რომ მან მეტი ითამაშოს. პაბლო ძალიან კარგია და გასულ შეხვედრაში მისი შემოყვანა მინდოდა, მაგრამ თამაშის მიმდინარეობისას გეგმები შევცვალე. ნახევარდაცვაში დიდი კონკურენციაა, მაგრამ ის მშვენივრად მუშაობს და მისი დრო აუცილებლად მოვა.
გავისა და პედრის მინდორზე იგივე როლი აქვთ, რაც მე და ინიესტას გვქონდა, მაგრამ შედარებები არ უნდა ვაკეთოთ. მათ დიდი აწმყო და მომავალი აქვთ.
აქ მუდმივად დაძაბულობაა, რადგან ეს "ბარსაა", სადაც აუცილებლად უნდა მოიგო. გასულ შეხვედრაში ძალიან კარგად ვითამაშეთ, მაგრამ ხვალ მორიგი მატჩი გველის, რომელიც რთული იქნება.
პიკე კარგად მუშაობს და გუნდზეა ფოკუსირებული. ის გუნდის დასახმარებლად მზადაა.
მარკოს ალონსოს ბევრი კარგი თვისება აქვს. ის იგებს დუელებს, სწრაფია, ბურთის ამოტანა კარგად შეუძლია. ალონსო ცაციაა, რასაც დიდი მნიშვენლობა ენიჭება.
ფერან ტორესი თავდაჯერებულობას იკრებს, ეს აშკარაა. შემტევებისთვის გოლის გატანა მნიშვნელოვანია. მან ბოლო ორ შეხვედრაში კარგად ითამაშა. ფერანი მუშაობას არ წყვეტს. მის ძალისხმევას ძალიან ვაფასებთ. ის მაღალი დონის ფეხბურთელია, იმის მიუხედავად, გააქვს თუ არა გოლი.
კესიე? კონკურენცია მაღალია, მაგრამ ის პროფესიონალია, კარგად ვარჯიშობს და დარწმუნებული ვარ, სათამაშო დროს დაიმსახურებს.
გუნდში მნიშვნელოვანი ან სკამის ფეხბურთელები არ არსებობენ, აქ მხოლოდ "ბარსელონას" ფეხბურთელები არიან.
ჯარიმების შესრულება აუცილებლად უნდა დავხვეწოთ.
პედრის დასვენება? ვცდილობ, ყველა მოთამაშე დავასვენო, მაგრამ ის ჩვენი გუნდის მნიშვნელოვანი ნაწილია.
გუნდის დონე? ჩვენ დიდებული თამაშები ჩავატარეთ. თუ გუნდს შევაფასებთ, ვნახავთ, რომ ის ძალიან კარგი იყო და მუდმივად ვიბრძოდით. სასურველ ფორმას ვუახლოვდებით. სრულყოფილება არ არსებობს, მაგრამ მას უნდა მივუახლოვდეთ.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 11 ]