ბარსელონასა და ელჩეს შეთანხმების უცნაური პუნქტი

"ბარსელონას" ახალგაზრდა შემტევი ალექს კოლიადო მიმდინარე სეზონს იჯარის წესით "ელჩეში" ატარებს.

ერთი შეხედვით მხარეებს შორის ჩვეულებრივი შეთანხმება არსებობს - "ელჩე" ფეხბურთელის ხელფასის ნახევარს იხდის, სეზონის ბოლოს კი ალიკანტელებს ფეხბურთელის გამოსყიდვის უფლება არ აქვთ.

თუმცა Sport-ის ცნობით არსებობს ერთი უცნაური პუნქტი - თუ "ბარსელონა" მომდევნო ორი სეზონის განმავლობაში კოლიადოს გაყიდის, ტრანსფერის თანხის 20% "ელჩეს" შეხვდება. სავარაუდოდ ამ პუნქტის მიზანი ისაა, რომ "ელჩეს" კოლიადოს განვითარების მოტივაცია ჰქონდეს.

კოლიადომ "ელჩეს" მაისურით ჯერჯერობით 5 თამაში ჩაატარა. მის ანგარიშზე 1 გოლია.