ბარსელონამ მესის დაბრუნებაზე მუშაობა დაიწყო - ჟერარ რომერო
ბოლო დროს "პარი სენ-ჟერმენის" ვარსკვლავის, ლიონელ მესის "ბარსელონაში" შესაძლო დაბრუნებაზე აქტიურად იწერება. ახლახან ჟერარ რომერომ გაავრცელა ინფორმაცია, რომლის თანახმადაც, "ბლაუგრანა" ამ საკითხზე მუშაობას შეუდგა.
ცნობილი ესპანელი ჟურნალისტის ცნობით, "ბარსამ" მესის 2023 წელს დასაბრუნებლად მომზადება და ეკონომიკური და ინსტიტუციონალური ასპექტების შესწავლა უკვე დაიწყო.
Relevo-ს ინფორმაციით, ჩავი მესის გაწვრთნის შესაძლებლობით მოხიბლული იქნებოდა. მას უკვე მომზადებული აქვს ტაქტიკური გეგმა, თუ როგორ უნდა მოერგოს ლეგენდარული არგენტინელი გუნდს.
იგივე წყარო იმასაც იტყობინება, რომ "ბარსელონასა" და მესის შორის კონტაქტი ჯერ არ ყოფილა. ამის მიზეზი ისაა, რომ ლეო კატალონიური კლუბით კვლავ ძალიან იმედგაცრუებულია. ამას ემატება ისიც, რომ არგენტინელი სრულად მოახლოებულ მსოფლიო ჩემპიონატზეა კონცენტრირებული და სამომავლო გეგმებზე ჯერჯერობით არ ფიქრობს.
გუშინ "ბარსელონას" ვიცეპრეზიდენტმა მესის დაბრუნებასთან დაკავშირებით საინტერესო კომენტარი გააკეთა. დღეის მდგომარეობით ისეთი შთაბეჭდილება რჩება, რომ მსოფლიოს ყველა დროის საუკეთესო ფეხბურთელის "ბლაუგრანაში" დაბრუნება გამორიცხული არაა.
ამ სიახლეზე კომენტარები გათიშულია.
კომენტარები [ 6 ]