სელტასთან მატჩის მსაჯი ცნობილია

ესპანეთის ფეხბურთის ფედერაციის გადაწყვეტილებით, კვირას "ბარსელონასა" და "სელტას" შორის გასამართ შეხვედრას ხოსე ლუის მუნუერა მონტერო განსჯის, VAR-ის ოთახიდან კი მას ხოსე ლუის გონსალეს გონსალესი დაეხმარება.

38 წლის მონტეროს "ბარსას" თამაშებში 22-ჯერ უმსაჯია. ამ შეხვედრებიდან კატალონიელებმა 15 მოიგეს, 3 ფრე ითამაშეს, 4 მათგანში კი დამარცხდნენ.

"ბარსელონასა" და ვიგოს "სელტას" დაპირისპირება კვირას, თბილისის დროით 23:00 საათზე გაიმართება.