ჩავის კომენტარი მალიორკასთან მოგების შემდეგ
ჩავი ერნანდესმა "მალიორკასთან" გამართული თამაშის (0-1) შემდეგ ჟურნალისტებთან ისაუბრა. როგორც ჩანს, მწვრთნელი ინდივიდუალურად ყველა ფეხბურთელით კმაყოფილი დარჩა, მაგრამ გუნდის თამაშით მაინც უკმაყოფილო.
ასეთ თამაშებში თუ მეორე გოლს ვერ გაიტან, შენი ამოცანა გართულდება. მეორე ტაიმში ჩვენი თამაში გაუარესდა და გოლის გატანის ბევრი შანსი არ გვქონია.
ეს ძალიან მნიშვნელოვანი მოგებაა, განსაკუთრებით სანაკრებო პაუზის შემდეგ.
არაერთი მოთამაშე გვყავს, რომლებიც გუნდის ხარისხს ამაღლებენ. დღეს ყველა ფეხბურთელმა კარგად იმუშავა.
კარი ისევ მშრალად შევინახეთ, ეს მნიშვნელოვანია. ტერ შტეგენი გუნდის ძალიან მნიშვნელოვანი ნაწილია.
ლა ლიგის რეკორდი? ამით ბედნიერი ვარ, მაგრამ მინდა, ეს რეკორდები სეზონის ბოლოს ტიტულებში გარდავსახო.
ეს მოგება უახლოეს კვირებთან გამკლავებაში დაგვეხმარება.
ძალიან მშვიდად და მოთმინებით ვთამაშობდით. ეს ყოველთვის რთულია, როდესაც სივრცე არ გაქვს. ასეთ დროს იდეალურად უნდა ითამაშო.
3 ქულის აღება გაგვიჭირდა. მეორე ტაიმი ისე ჩავატარეთ, როგორც "მალიორკას" სურდა და ეს არ უნდა მომხდარიყო. ასეთ სიტუაციებში მეორე გოლის გასატანად უნდა ვიზრუნოთ.
მოგება ძალიან მნიშვნელოვანია, რადგან ის რთულ სტადიონზე რთულ მეტოქესთან მოვიპოვეთ.
გუნდი ტერ შტეგენმა და ლევანდოვსკიმ იხსნეს? რთულია, ყველაფერი მხოლოდ ორ ფეხბურთელს აუხსნა, ბევრი დეტალია, თუმცა აშკარაა, რომ ისინი მოედანზე განსხვავებას ქმნიან. მარკს განსაკუთრებული პერიოდი უდგას.
ბალდე მარჯვენა მცველად? მას ამის გამოცდილება ჰქონდა. პოზიციურად ძალიან კარგი თამაში ჩაატარა.
დღეს დაცვის ხაზი ძალიან კარგი იყო. ძალიან კარგად გამოიყურებოდნენ ჟორდი ალბა და პიკე, ასევე კრისტენსენი.
იქნება პიკე "ინტერთან" სასტარტოში? შესაძლოა, იყოს. ჩვენს გუნდში ბევრი მაღალი დონის ფეხბურთელი ირიცხება.
თამაში ყოველ სამ დღეში ერთხელ გვიწევს. ფეხბურთელებს უკვე ვუთხარი, რომ წუთებს ყველა მათგანი მიიღებს და ისინი მზად უნდა იყვნენ.
ლევანდოვსკი უმაღლესი დონის ფეხბურთელია. შესაძლოა, ის მსოფლიოში საუკეთესო ცენტრფორვარდია.
ფატი ძალიან კარგი იყო. ვხედავ, რომ ის 100%-ით მზადაა. გასული 2 კვირა ძალიან ნაყოფიერი იყო. ანსუ ვარჯიშებზე შესანიშნავად გამოიყურებოდა. ის მნიშვნელოვანი ფეხბურთელი უნდა იყოს და დარწმუნებული ვარ, ასეც იქნება.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 7 ]