რონალდ არაუხოს მსოფლიო ჩემპიონატზე თამაშის იმედი აქვს
რონალდ არაუხოს ოპერაციამ იმდენად კარგად ჩაიარა, რომ ურუგვაელს მსოფლიო ჩემპიონატზე თამაშის შანსები გაუჩნდა.
Sport-ის ცნობით ოპერაციის შემდეგ ქირურგმა ლასე ლემპაინენმა არაუხოს კარგი ამბავი გააგებინა - ყველაფერმა ძალიან კარგად ჩაიარა და გამოჯანმრთელების პროცესიც წარმატებული უნდა იყოს.
კატალონიური მედიის ინფორმაციით არაუხოს იმედი აქვს, რომ მსოფლიო ჩემპიონატზე თამაშს შეძლებს. მისი მკურნალობის ვადად 2-3 თვეა დადგენილი, მუნდიალი კი 2 თვეზე ნაკლებ დროში იწყება. თუმცა ურუგვაელი ფიზიკურად ძლიერია და გამორიცხული არაფერია. ურუგვაის ნაკრების მთავარი მწვრთნელი დიეგო ალონსო კი აცხადებს, რომ ის მზადაა, "ბარსელონას" მცველს ბოლომდე დაელოდოს.
იმავე წყაროს ცნობით არაუხო არ განიხილავს ვარიანტს, რომ მოვლენები დააჩქაროს და ჯანმრთელობა გარისკოს. ის ითამაშებს მხოლოდ მაშინ, როდესაც სრულად გამოჯანმრთელებული იქნება.
ამ სიახლეზე კომენტარები გათიშულია.
კომენტარები [ 8 ]