ალექსია პუტელიასს FIFA 23-ში ყველაზე მაღალი რეიტინგი აქვს

ცნობილი კომპიუტერული თამაშის FIFA 23-ის ქალ ფეხბურთელთა რეიტინგი გამოქვეყნდა და გასაკვირი არაა, რომ ამ კომპონენტში "ბარსელონას" მოთამაშეები დომინირებენ.

"ბარსას" კაპიტნის, მსოფლიოს საუკეთესო ფეხბურთელის, ალექსია პუტელიასის რეიტინგი 92 არის. სხვა არცერთ მოთამაშეს ასეთი რეიტინგი არ აქვს.

საუკეთესო 25 ფეხბურთელს შორის "ბარსელონას" 6 წარმომადგენელი ჰყავს, რაც რეკორდია. პუტელიასის გარდა საუკეთესოთა შორის მოხვდნენ ლუსი ბრონზი, კაროლინ ჰანსენი, მაპი ლეონი, ირენე პარედესი და სანდრა პანიოსი. ასევე ჯენი ერმოსო და ლიეკე მარტენსი, რომლებიც გასულ სეზონში "ბარსაში" თამაშობდნენ.