5 სტატისტიკური მონაცემი, რომელშიც ბარსა ლიდერობს

5 სტატისტიკური მონაცემი, რომელშიც ბარსა ლიდერობს

"ბარსელონა" ევროპის საუკეთესო 5 ჩემპიონატში მოთამაშე იმ 10 გუნდს შორის შედის, რომლებიც შიდა ასპარეზზე ჯერ არ დამარცხებულან.

ჩავის გუნდი ლა ლიგის სტარტზე კარგად გამოიყურება. მართალია, კატალონიელებმა პირველ ტურში ქულები დაკარგეს, მაგრამ მომდევნო 5 ტურში დაამტკიცეს, რომ ეს შემთხვევითობა იყო.

მთავარ მონაცემში, მოპოვებულ ქულებში "ბარსა" "რეალ მადრიდს" 2 ქულით ჩამორჩება, მაგრამ სხვა სტატისტიკური მონაცემები სიტუაციის გამოსწორების იმედს იძლევა.

"ბარსას" ოფიციალური საიტი გვთავაზობს იმ 5 სტატისტიკურ მონაცემს, რომელშიც კატალონიური გუნდი ლა ლიგაში საუკეთესოა.

გატანილი გოლები

6 თამაშში "ბარსელონამ" უკვე 18 გოლის გატანა მოახერხა, რაც მატჩში საშუალოდ 3 გოლს ნიშნავს. ეს საუკეთესო შედეგია. მეორე ადგილზე "რეალ მადრიდია" 17 გოლით, ხოლო მესამეზე "ბილბაო" 12 გოლით.

"ბარსელონელი" ლიდერობს ბომბარდირთა დავასაც. რობერტ ლევანდოვსკიმ 6 თამაშში 8 გოლის გატანა მოახერხა. დანარჩენი 10 გოლი უსმან დემბელეს (2), ანსუ ფატის (2), რაფინიას, პედრის, დე იონგის, ერიკ გარსიასა და სერჟი რობერტოს ანგარიშზეა.

გაშვებული გოლები

"ბარსელონამ" 6 თამაშში მხოლოდ 1 გოლი გაუშვა, რაც დაცვისა და ტერ შტეგენის შესანიშნავი თამაშის შედეგია. გასაკვირი არაა, რომ ეს ლა ლიგაში საუკეთესო შედეგია, რის გამოც ტერ შტეგენი "სამორას" ჯილდოს მოგების მთავარი კანდიდატია.

მშრალად შენახული კარი

6 თამაშში მხოლოდ 1 გოლის გაშვება ნიშნავს იმას, რომ "ბარსელონამ" 5-ჯერ კარი მშრალად შეინახა, რაც ჩემპიონატში ასევე საუკეთესო შედეგია. "ბლაუგრანას" კარი მხოლოდ "რეალ სოსიედადმა" აიღო, ხოლო "რაიომ", "ვალიადოლიდმა", "სევილიამ", "კადისმა" და "ელჩემ" ეს ვერ მოახერხეს.

ბურთის ფლობა

განვლილ 6 ტურში "ბარსელონას" საშუალო ბურთის ფლობა 66.11% იყო, რაც საუკეთესო შედეგია. მეორე ადგილზე "ვალენსიაა" 61.9%-ით, ხოლო მესამეზე "რეალ მადრიდი" 57.06%-ით.

კარში დარტყმები

"ბარსელონამ" 6 თამაშში კარში 119-ჯერ დაარტყა, საიდანაც 46-ჯერ ბურთი კარის ჩარჩოში მოხვდა. ორივე ამ მაჩვენებლით კატალონიელები ლა ლიგაში საუკეთესოები არიან.

  • გაწევრიანდი "ბარსელონას" გულშემატკივრების Facebook ჯგუფში

    კომენტარები [ 5 ]

    ინფორმაცია
    მომხმარებლებს, რომლებიც იმყოფებიან ჯგუფში სტუმარი, ამ მასალაზე კომენტარის დამატების უფლება არ აქვთ.
    ფანი [?]
    #5 23 სექტემბერი 2022 12:19
    0
    Წესით კლასიკოს მოგებით გადავალთ პირველზეე
    Culé [?]
    #4 22 სექტემბერი 2022 18:12
    1
    რეალს გაუბაბანებთ და ცხრილშიც ლიდერები ვიქნებით იქ დაიმკვიდრებს ადგილს ბარსა სადაც უნდა იყოს 👌
    საიტის ლეგენდა  [?]
    #3 22 სექტემბერი 2022 15:34
    1
    გავმხდარვართ ჩემპიონები და ეგ არის. სულ ცოტა დარჩა რეალმა უნდა წააგოს.
    გულშემატკივარი [?]
    #2 22 სექტემბერი 2022 15:00
    1
    მშვენიერი, ქულებშიც მალე გავლიდერდებით, ვისკა ბარსა!
    საიტის ლეგენდა  [?]
    #1 22 სექტემბერი 2022 14:30
    2
    მთავარია ქულებში ვიყოთ საუკეთესოები და ვიქნებოდით კიდეც რომ არა პირველ ტურში ქულების დაკარგვა