ბარსელონას პიკეს კონტრაქტის გაწყვეტის უფლება ექნება

"ბარსელონას" უფლება ექნება, მიმდინარე სეზონის ბოლოს ჟერარ პიკესთან კონტრაქტი გაწყვიტოს, თუ ფეხბურთელი თამაშების 35%-ში არ მიიღებს მონაწილეობას. ინფორმაციას ამის შესახებ Mundo Deportivo ავრცელებს.

ცნობილია, რომ "ბარსას" სურს, პიკემ გუნდი მალე დატოვოს. მიზეზი ისაა, რომ ამ ფეხბურთელზე კლუბის სახელფასო ხარჯის დაახლოებით 15% მოდის, რაც ძალიან ბევრია.

პიკეს "ბარსასთან" კონტრაქტი 2024 წლამდე აკავშირებს, კატალონიური მედიის ცნობით, თუ მიმდინარე სეზონში ის მატჩების 35%-ში არ ითამაშებს, 2023 წლის ზაფხულში "ბლაუგრანას" მასთან ხელშეკრულების გაწყვეტის უფლება ექნება.

ჯერჯერობით ჩატარებული 8 თამაშიდან პიკემ მონაწილეობა ორში მიიღო, სასტარტო შემადგენლობაში კი მხოლოდ ერთხელ ვიხილეთ. დიდი ალბათობით მას მოედანზე მიმდინარე სეზონში კიდევ ვნახავთ, მაგრამ ძნელი სავარაუდოა, ფეხბურთელს 35% დაუგროვდეს, რადგან ჩავისთვის ის ცენტრალურ მცველებს შორის მე-5 არჩევანია.