ალვარო მორატა: პატივია, როდესაც შენით ჩავის დონის მწვრთნელი ინტერესდება
მადრიდის "ატლეტიკოს" თავდამსხმელი ალვარო მორატა იმ დროს იხსენებს, როდესაც მისი შეძენით "ბარსელონა" იყო დაინტერესებული.
ეს მიმდინარე წლის იანვარში ხდებოდა, როდესაც ჩავის ცენტრფორვარდი ჭირდებოდა. მორატას ტრანსფერი არ გამოვიდა, რადგან მის მესაკუთრე კლუბ "ატლეტიკოსთან" და იმჟამინდელ კლუბ "იუვენტუსთან" შეთანხმება ვერ მოხერხდა. "ბარსა" იძულებული გახდა, ალტერნატიული ვარიანტი განეხილა და პიერ-ემერიკ ობამეიანგი დაემატებინა, რამაც ძალიან გაამართლა.
"ბარსელონაში" გადასვლის ვარიანტი იყო. ალეგრის ვესაუბრე და მან მითხრა, რომ არსად მივდიოდი, რომ მას უნდოდა, ვლაჰოვიჩთან ერთად მეთამაშა.
კიდევ 4-5 შემოთავაზება მქონდა და ყველა მათგანი კარგი იყო, მაგრამ საბოლოო სიტყვა "ატლეტიკოს" ეკუთვნოდა.
ჩავიმ დამირეკა და ფეხბურთზე ვისაუბრეთ. პატივია, როდესაც ჩავის დონის მწვრთნელი შენზე ფიქრობს. კიდევ უფრო დამარწმუნებელია იმ ადამიანის საუბარი, რომლის თამაშსაც თვალს პატარაობიდან ადევნებდი.
- ციტირებს ალვარო მორატას სიტყვებს Sport.
ამ სიახლეზე კომენტარები გათიშულია.
კომენტარები [ 2 ]