ბარსელონამ კიმიხი გააკვირვა
ჩემპიონთა ლიგის მეორე ტურში "ბარსელონა" მიუნხენის "ბაიერნთან" დამარცხდა, თუმცა საერთო მოსაზრებით კატალონიელები მიუნხენელებს ბევრით არაფრით ჩამოუვარდებოდნენ, ბევრის აზრით კი, სჯობდნენ კიდეც, რაც სტატისტიკურადაც დასტურდება.
"ბარსელონას" მიმართ საქებარი სიტყვები თავად მიუნხენელებმაც არ დაიშურეს. ზოგიერთმა მათგანმა ეს ჟურნალისტებთან საუბრის დროს გააკეთა, ზოგმა კი "ბარსელონას" ფეხბურთელებთან გასაუბრების დროს.
Mundo Deportivo-ს ცნობით ერთ-ერთი ასეთი მოთამაშე იყო იოზუა კიმიხი. კატალონიური გამოცემის ინფორმაციით თამაშის შემდეგ კიმიხმა "ბარსას" რამდენიმე ფეხბურთელს უთხრა, რომ ბოლო ერთი წლის განმავლობაში მათი პროგრესით გაკვირვებულია, რომ მათ გერმანელებს თამაშში აჯობეს და ბევრი სირბილი აიძულეს. იოზუამ კატალონიელებს კარგი თამაში მიულოცა და მომავალში წარმატებები უსურვა.
ამ სიახლეზე კომენტარები გათიშულია.
კომენტარები [ 9 ]