U19: სანახაობრივი ფრე მიუნხენში

ჩემპიონთა ლიგის პარალელურად ახალგაზრდული ჩემპიონთა ლიგა, იგივე უეფას ახალგაზრდული ლიგა მიმდინარეობს, სადაც ერთმანეთს 19 წლამდელი გუნდები ხვდებიან.

დღეს "ბაიერნისა" და "ბარსელონას" 19 წლამდელთა გუნდების დაპირისპირება გაიმართა. ჩვენმა ბიჭებმა უკეთესი შთაბეჭდილება დატოვეს, მაგრამ მაინც ქულას დასჯერდნენ.

შეხვედრის 25-ე წუთზე "ბაიერნი" უკვე 2-0 იგებდა. ორივე გოლი ჩვენი ბიჭების შეცდომების შედეგად გავიდა, განსაკუთრებით პირველი.

"ბარსელონამ" პირველივე ტაიმში გაათანაბრა. დუბლი ვიქტორ ბარბერამ შეასრულა, რომელმაც მეორე ტაიმის სტარტზევე შედევრი შექმნა, ჰეთ თრიქი გაიფორმა და "ბლაუგრანა" წინ გაიყვანა.

"ბაიერნმა" შეხვედრის მიწურულს გაათანაბრა და მიმდინარე გათამაშებაში მეორე ქულა მოიპოვა.

2 ტურის შემდეგ 4-4 ქულით ჯგუფს "ბარსელონა" და "ინტერი" ლიდერობენ. "ბაიერნს" 2 ქულა აქვს, ხოლო "პლზენი" უქულოდაა.

უეფას ახალგაზრდული ლიგა, მე-2 ტური

ბაიერნი U19 - ბარსელონა U19 3-3

ბარსელონა: ასტრალაგა, ექტორი, კანტერო (დიეგო ალმეიდა 57), კასასი, ჟერარ გონსალესი, ალეიშ გარიდო (უნაი ერნანდესი 74), მარკ კასადო, ჩუს ალბა, ილიას აკომაჩი, ვიქტორ ბარბერა (ლამინე იამალი 74), ალარკონი (ჩავი მორენო 74)

გოლები: 1-0 ვანერი 6, 2-0 ჰეროლდი 25, 2-1 ბარბერა 33, 2-2 ბარბერა 39, 2-3 ბარბერა 49, 3-3 კოპადო 85